全職剪接師 ✂️ 

  你會負責... ________________________________________

✂️ 剪接長片 YouTube 影片

• 將素材剪成一條有張力、有節奏嘅故事
• 掌控節奏：知道幾時要停，幾時要推
• 加上B-roll、配樂、音效、字幕，令每個元素都有意義
• 快速迭代：唔好愛上你嘅First Cut
• 確保準時交片

🎨 維持視覺水準

• 調色，配合頻道風格同tone
• 同平面設計／動畫團隊緊密合作
• 推進提高晝面質素，令每次作品質素都有所提升

🔁 帶領製作團隊

• 清晰溝通Project目標、標準同進度
• 製作中途，當自己或團隊成員遇到問題要識早啲開聲
• 收到直接意見時主動改進

🤝 完善製作流程

• 紀錄製作流程：有效嘅Keep，冇效嘅改善
• 主動提出點令內容變得更好
• 帶領團隊會議，一齊確立 SOP

👀 協助影片製作相關事務（按需要）

• 管理 NAS 儲存器（呢個係公司嘅心臟！）
• 負責拍攝前嘅器材Set up
• 有需要時出外拍攝小型項目

  呢個係唔係你..._?___________________________________

• 你具備2年或以上影片製作經驗： 精通Premiere Pro ，有使用After Effects經驗
• 你熟悉iOS/macOS系統與AdobeCreativeSuite，識用 Notion、Google Workspace 或類似製作工具係加分。
• 你擅長用影片去講故事： 呢到嘅作品資訊量高 、內容複雜 。你懂得判斷畫面上加咩 、減咩，先可以令觀眾更投入，更了解主題 。
• 你有審美觸覺：可自行或集體討論後，同團隊一齊得出影片嘅style，確保時限內完成影片之餘，不失美感。
• 你習慣主動溝通： 你將會負責成條片嘅故事表達方法 。為確保資料準確度、製作流程效率 、故事整體有效性，我哋需要你係製作會議上主動提問，帶起討論；積極為團隊提供嘅建議，一齊做決策，確保最終影片效果清晰到位。
• 你鍾意睇電影或解說片： 靈感來自於生活，我哋都期待可以向你嘅生活學習，互相分享諗法，撞出更多有趣嘅作品 。
• 你會自學同鑽研新剪接技術： 我哋明白影片製作嘅世界係一個萬丈深淵 。 你唔需要第一日就識晒所有，但要同我哋一齊追求更多突破 。
• 你適應力強： 為咗限時內完成高質作品，我哋制定咗一套獨有製作流程 。作為動畫師，你會融入其中，並同團隊一齊喺喺指定時間內完成作品 。
• 你樂於吸收意見： 唔會吝嗇向團隊提供意見之餘，亦積極索取他人意見，令自己進步 。
• 你著重坦誠： 坦誠同透明度係團隊持續進步嘅關鍵，你嘅出現會令溝通更直接 。
• 你有能力管理時間： 公司不會 micromanage，並信任你有能力自我管理 。首要條件係：你識得set priority 。
• 你會meet deadline： 你意識到製片過程一環扣一環，你擅長平衡效率 、故事表達 、美感等因素，安排自己時間、跟進teammate嘅進度及準時完成工作 。
• 你重視資訊準確度： 會同團隊一齊確保畫面資訊100%無錯，然後將作品推出 。
• 你對我哋頻道已有足夠了解:清楚我哋嘅內容策略、風格同調性 。
• 你唔介意推倒重來： 你相信只要有機會大致更加效果，翻頭改係創作嘅一部份 。

  有關《不正常研究所》 ______________________________

我哋致力打造一個可以以不同程度、長度、角度嘅平台，創造更多有內涵，易消化嘅內容比觀眾享用，等大家可以喺思想干預最低嘅情況底下，獲得資訊門檻，去再深一步研究自己有興趣嘅議題。

過去 4 年，我哋一個團隊，幾個人，將 YouTube 頻道發展到超過 90 萬訂閱。

為咗達到目標，我哋：

• 享受創作能夠打動數百萬觀眾嘅內容，並以獨特方式影響萬眾。
• 互相交流意見、坦然接受建設性反饋，不斷打磨作品，至最理想狀態。
• 因應情況，喺自己崗位作出調整 。我哋要所有人具備責任感，對自己嘅問崗位、項目負全責。
• 只專注做有意義嘅事。全香港有62%嘅人覺得自己份工無意義， 我哋唔希望自己成為一員。
• Work Hard, Play Hard. 工作以外，我哋都會經常跑步、同玩Board Game， 享受生活為我哋帶嚟嘅靈感。

  成為《不正常研究所》嘅剪接師，咁點...? ______________

整靚啲嘢好多人都識，我哋亦都非常相信你能夠擔起美感部門嘅大旗。 點樣先至可以將龐大資訊量化繁為簡，點先能夠有效地向觀眾傳達訊息，引起共鳴， 用作品影響過百萬人？ 呢樣，係我哋想邀請你入嚟一齊探索嘅課題。

另外，我哋清楚每位成員都有自己想達成嘅抱負同目標。喺唔影響團隊利益，能力範圍之內, 我哋會盡力支持同推動你嘅發展。換句話講，我哋期望所有成員能夠齊心向共同目標進發同時， 亦都努力建構自己嘅人生。

  申請方法__________________________________________

見面之前，我哋想了解一下你過往嘅作品同經歷。㩒呢到，填一填表。適合嘅話，我哋好快會聯絡你！