整郁圖表

你會負責... 

🔮  動畫製作

• 整郁啲嘢。具體嚟講，你要識用Adobe Suite（e.g. After Effects、Premiere Pro, etc）同AE Plugins（e.g. Geolayers, etc），製作出有助觀眾理解內容嘅畫面。
• 畫Storyboard。我哋好重視團隊合作，需要時亦會有好好嘅平面設計師幫你準備定Graphic elements (咁多年嚟，動畫師們都辛苦了🚬），所以希望你能夠有效地向團隊表達同解釋你嘅畫面設計方針。

⚙️ 優化製作流程

• 創意 ≠ 混亂。你會喺我哋現有嘅製作流程下，有系統地進行創作。《不正常研究所》嘅製作流程唔係想限制創意。而係我哋相信，只有將啲無聊步驟 (e.g. 準備畫面素材、交接、Rendering）有系統地處理，先能夠投放更多時間創作，並喺短時間內造出高質嘅動畫。
• 你對動畫製作流程有完全掌控權。所以最適合指出問題，同辨識解決方法嘅人，都係你。（唔講真係冇人知你等render等得幾辛苦）。我哋好重視團隊合作，如果製作過程發現問題，需要你喺Team Meeting提出，並同團隊一齊搵解決方案，實現返10放6嘅製片Perfect workflow！

📱 平面設計

•  整圖。團隊人少少，好多嘢要親力親為。我哋好重視團隊合作，有其他Project 冧檔時，好需要你主動伸出橄欖枝，喺平面設計，甚至其他有能力嘅範疇上幫忙。

呢個係咪你...? 

• 你有最少 3 年或以上動畫製作經驗。 識用 Premiere Pro 及 After Effects ，有使用 Geolayers 嘅經驗更佳。
• 你熟悉 iOS/macOS 系統同 Adobe Creative Suite。 熟悉人工智能工具、Notion 同 Google Workspace 更佳。
• 你有超強嘅審美觸覺。 可以自行或集體討論後，創作出有美感嘅動畫。
• 你擅長用畫面去講故事。 呢到嘅作品資訊量高， 內容複雜。你要識得判斷畫面上加咩、減咩，先可以令觀眾更投入，更了解主題。
• 你要主動溝通並解釋你嘅創作決策。 你將會負責設計畫面上嘅故事表達方法。為確保資料準確度，、製作流程效率、故事整體有效性，我哋需要你係製作會議上主動提問，帶起討論；需要時為團隊提供嘅建議，一起做決策，確保最終影片效果清晰到位。
• 你鍾意睇電影同動畫。 靈感來自於生活，我哋都期待可以向你嘅生活學習，互相分享諗法，撞出更多有趣嘅作品。
• 你會自學同鑽研新動畫技術。 我哋明白動畫世界係一個萬丈深淵。你唔需要第一日就識晒所有，但要同我哋一齊追求更多突破。
• 你具備團隊合作能力。 因為明白影片製作過程需要各方嘅大量配合，所以你亦願意為團隊付共同目標，付出額外嘅努力。
• 你適應力強。 為咗限時內完成高質作品，我哋制定咗一套獨有製作流程。作為動畫師，你會融入其中，並同團隊一齊喺喺指定時間內完成作品。
• 你接受挑戰。 我哋目前嘅製作流程超chur（目前動畫師可以喺 3.5 日、每日 8 小時內，完成 5 分鐘嘅資訊性高質動畫）。 係好辛苦，但只要你肯接受挑戰，我哋都會全力支持你。
• 你意見接受，態度唔會照舊。 唔會吝嗇向團隊提供意見之餘，亦願意接受其他人對你嘅反饋。
• 你有事會開心見誠講。 誠實同透明度係團隊持續進步嘅關鍵， 希望你都可以加入直接挑機嘅行列，遇到任何問題，我哋都一齊坦率直接地溝通。
• 你有能力管理時間，排工作優先次序。 我哋鼓勵大家主動工作， 同時都都好支持拒絕做工， 但首要條件係：要識得分辨唔同工作嘅緊急性同重要性 。
• 你會meet deadline。 我哋好重視團隊合作，製片過程一環扣一環， 一個人遲咗交接，其他人嘅工作都會被延遲。你要學識平衡效率、故事表達、美感等因素， 自行安排及準時完成工作。
• 你可以喺快速變化嘅環境下，作出最有效嘅調整。 靈活應變， 擁抱不穩定性，都係團隊能夠喺世界大事發生時，即日出片嘅原因。如果你討厭變化，呢個位可能唔太適合你。
• 你重視資訊準確度。 會同團隊一齊確保畫面資訊 100% 無錯，先將作品推出。
• 你對我哋頻道已有足夠了解，清楚我哋嘅內容策略、風格同調性。
• 你唔介意推倒重來。 為達到更好嘅結果同成績，團隊會推翻過往定立嘅計劃，作出新決策。 即使要從零開始，希望你唔好怕浪費心思，同團隊對準目標，一齊作出對件事好嘅決策。

 《不正常研究所》 

我哋致力打造一個可以以不同程度、長度、角度嘅平台，創造更多有內涵，易消化嘅內容比觀眾享用，等大家可以喺思想干預最低嘅情況底下，獲得資訊門檻，去再深一步研究自己有興趣嘅議題。

過去 3 年，我哋一個團隊，幾個人（現時 9 人），將 YouTube 頻道發展到超過 80 萬訂閱。為咗達到目標，我哋：

• 享受創作能夠打動數百萬觀眾嘅內容，並以獨特方式影響萬眾。
• 互相交流意見、坦然接受建設性反饋，不斷打磨作品，至最理想狀態。
• 因應情況，喺自己崗位作出調整 。我哋要所有人具備責任感，對自己嘅問崗位、項目負全責。
• 只專注做有意義嘅事。全香港有62%嘅人覺得自己份工無意義， 我哋唔希望自己成為一員。
• 經常掟標、跑步同玩Board Game， 享受生活為我哋帶嚟嘅靈感。

成為《不正常研究所》嘅動畫師，咁點...?_

整靚啲嘢好多人都識，我哋亦都非常相信你能夠擔起美感部門嘅大旗。 點樣先至可以將龐大資訊量化繁為簡，點先能夠有效地向觀眾傳達訊息，引起共鳴， 用作品影響過百萬人？ 呢樣，係我哋想邀請你入嚟一齊探索嘅課題。

另外，我哋清楚每位成員都有自己想達成嘅抱負同目標。喺唔影響團隊利益，能力範圍之內, 我哋會盡力支持同推動你嘅發展。換句話講，我哋期望所有成員能夠齊心向共同目標進發同時， 亦都努力建構自己嘅人生。