"如果你想令到每個人都開心，咁你唔好做領袖 —— 去賣雪糕啦。" — Nick Saban.
你有冇試過：對隊友好到加零一，生日有假放、遲到唔扣錢、平時當佢哋兄弟姊妹咁。點知一到要追 Deadline 或者攞結果嘅時候，佢哋突然講現實、逐樣計，甚至覺得你要求高、冇人情味？
Low performers 繼續拖慢團隊，肯搏嘅人，反而變咗要執屎。
你發現未？你嘅「好心」，其實餵緊一班懶人，最大鑊係，同時逼走緊你最想留嘅A-Player。
「大家庭」呢個詞語最危險嘅地方，係呢個故事暗示咗「無條件包容」。
喺屋企，無論你幾懶、幾唔掂，你依然係一份子。但喺職場，每段合作都蘊含一場「等價交換」。當表現差嘅人可以因為「感情」而留低，你間公司就會變成一個「平庸避難所」。A-Player見到你容忍廢物，佢哋就會覺得自己嘅努力毫無價值，然後選擇離開。
Ray Chan 提到 9GAG 唔係家庭，而係 「職業球隊」。而球隊嘅目標只有一個：贏波。
教練（即係你）嘅責任唔係要每個人都開心，而係要確保每個位都係最強嘅人。領袖唔係「監工」，而係 「賦權者 (Empowerer)」。你喺呢套故事入面嘅工作，係幫 A-Player 掃走阻礙佢哋成功嘅石頭，而唔係幫弱者搵藉口。
日常行動指南：由「感性包容」轉向「理性協作」
-
執行「Keeper Test」(The Fxxk Yeah or No)：
問自己一個問題：「如果呢個員工聽日話辭職，我會唔會瘋狂咁想留住佢？」
- 如果答案係：Fxxk Yeah! —— 畀資源、畀權力佢。
- 如果答案係：No / 甚至覺得鬆一口氣 —— 咁佢就唔應該喺呢隊波度。
-
將「要求高」定義為「尊重」：
公開話畀團隊聽：我對大家要求高，係因為我尊重你哋嘅專業。持續拖慢團隊就 Byebye，唔係因為我冷酷，而係因為我要對得住其他想贏波嘅隊友。
唔夠喉？如果你想學識點樣活用故事去叫返醒團隊，歡迎參加我 workshop 同你深入拆解！👉 workshop link 按呢度！ 🧠
隨著 AI 同自動化工具普及，未來嘅公司唔需要「人多好辦事」，而係需要「一隊 A-Players」。如果你仲用緊「大家庭」嗰套敘事，你只會吸引到一班想搵避風港嘅人，而唔係想打仗嘅戰士。
📜 記住：想贏，就唔好球場上傾家事。
Best regards,
Ming 仔
PS：下半年搞壇大嘢！我哋即將分享熱門影片同職場必備嘅 Storytelling 實戰技巧。想學嘢，即刻 Subscribe 定「Ming仔 2.0」YouTube Channel 🤩👍
Responses