你係咪都試過呢種感覺：交個 task 畀隊友做，但心裏面總係驚佢搞砸，結果你一步一監控，搞到自己忙到隻狗咁，而隊友都越做越被動？
❌ 我以前都以為，做 Leader 就係要做睇到實，要嚴格審查，等隊友慢慢證明自己值得信任。
但好多時，最有效嘅 leadership 做法，往往都違反直覺。呢方面，ChargeSPOT 嘅 CEO Jess 都認同。
佢話，佢對所有新加入嘅隊友，第一日一見面，一律先給 100 分滿分信任。
你可能會覺得：吓？一嚟就滿分，陣間搞出個大頭佛咪又係我執......
但商業世界裏面，最貴嘅成本往往唔係薪金，而係「溝通同猜忌嘅內耗成本」。
🧠而Jess 提倡嘅 「100 分扣分制」，背後嘅邏輯係咁：
傳統做法（加分制）：
隊友進公司 = 0 分 -> 做啱事 +5 分 -> 做錯事 -10 分。
結果：隊友變成不敢創新、只求不出錯嘅執行機器。團隊充斥住辦公室政治，人人都只敢打安全牌。
100 分扣分制（滿分信任）：
隊友進公司 = 100 分 -> 賦予全盤信任同資源 -> 遇障礙幫佢拆彈 -> 只有出現態度問題才扣分
如果你一開始只給 30 分，要隊友做樣樣嘢嚟向你「證明」自己，你其實係將佢降格成一個無腦嘅「工具人」。當人覺得被懷疑、被控制，佢哋嘅內在驅動力就會徹底消失。
相反，100 分扣分制可以激發隊友嘅主人翁意識（Ownership），由被動執行變成主動解決問題。 佢能力未必最高，但一定會有咁樣嘅正面態度 keep 住進步，久而久之，佢甚至可能做咗啲你本來冇睇到嘅潛力出嚟。
睇多 CHARGESPOT co founder Jess 嘅錦囊妙計撳呢到 👉 由香港小企做到全球第一跨國網絡？「太陽能電筒」點樣逆襲？每個員工都100分？未成功前你只係痴線佬！CHARGESPOT CEO揭開成功秘笈【Jess Cheng x Ming仔】#想創你個心 Ep10
🛠想實現呢套系統，你需要做三件事：
- 建立隊友動機：畀佢哋見到呢個 Task 唔單係為咗公司私利，而係對個人成長都有幫助。我不時就問我嘅研究員，有啲咩你哋想寫落CV，係公司可以做嘅 project，係我可以幫到你哋手？
- 建立安全網：話畀隊友知「放手去做，一齊去試。出咗事我哋一齊拆彈」有足夠嘅容錯空間去冒險，繼而改善！
- 保持客觀數據：用成果同態度嚟衡量分數，一早擺好個 standard 喺度畀大家參考，知道向緊啲咩目標進發。
很多老闆最痛嘅位，係覺得隊友永遠達唔到自己嘅標準。但你有冇諗過，係因為你從來冇真正信任過佢哋？
做生意同帶團隊一樣，係一場等價交換。
📜 你想要隊友給出 100 分嘅努力，你必須先交出 100 分嘅信任。
你準備好放手畀佢哋發光未？😎
Best regards,
Ming 仔
Responses