喺一個商業模式未被市場證實之前，所有想要打破現狀嘅人，喺其他人眼中都係一個「痴線佬」。
ChargeSPOT 剛出來時，極多人話佢哋反智。人人都笑佢哋係「太陽能電筒」：冇電點樣借電？
但 Jess 冇被動搖，卻決定直接執行、試錯、再改良。
默默鋪到今日香港超過 6,000 個據點，由香港小企做到全球第一跨國網絡共享電源。
Idea 唔值錢，執行力先值錢。
如果你今日仲喺度等待「最佳時機」，或者等身邊人給予肯定先開始：你嘅計畫只會死喺腦海裏面！
🧠你同你嘅隊友如果想喺今年做出成績，請死守呢 3 條鐵律：
1. 諗到 ≠ 做咗，需要鼓勵先敢開始？咁你就唔好 Start
- 商業真相： 想法完全唔值錢，執行力先係王道。
- 拆解： 大部分人以為腦海裡面有個「絕妙 Idea」就等於踏出咗第一步，然後問身邊人攞鼓勵攞支持。現實係，喺未落場測試之前，所有 Idea 都只係你個人嘅幻想。
- 真正嘅創業家自己帶火落場，而唔等其他人點燃佢。要靠你推動自己，推動身邊人，真係落手落腳去做去試去錯，嗰個先係真正嘅第一步。
2. 做完 ≠ 做到，數據先係你嘅 Back Up
- 商業真相： 不要將「我好努力 / 我做咗啦」當成果，用真實嘅數據同市場反應去說話。
- 拆解： 「做咗」只係動作，例如「我寫咗兩篇 Post」、「我開咗三次會」。但「做到」係結果，即係呢個動作有冇產生實際嘅轉化、現金流，或者幫團隊解決到問題？
- 好多人每天盲目執行，用「我有開工」來逃避「冇拿到結果」嘅焦慮，取而代之，要用市場嘅真實數據、用戶留存率去說話，咁先係真正「做到」進步。
3. 擺落市場、睇得到、用得到 = 事業
- 商業真相： 只有經過市場驗證（Market Validation）嘅產品，先具備商業價值。
- 拆解： 喺商業計劃書打幾多個零都係虛構，快手將 MVP（Minimum Viable Product，最小可行性產品）產品落市場測試嘅人，先知下一步點行，先有機會做最後贏家。
- 當產品擺喺消費者面前、大家真係用得到、解決到問題，呢個先叫真正嘅事業。
切忌諗到就當做到。
聽下 CHARGESPOT co founder Jess 點樣帶住「太陽能電筒」行到今日香港、日本、歐洲都借到還到電！ 👉 由香港小企做到全球第一跨國網絡？「太陽能電筒」點樣逆襲？每個員工都100分？未成功前你只係痴線佬！CHARGESPOT CEO揭開成功秘笈【Jess Cheng x Ming仔】#想創你個心 Ep10
你夠膽跨出第一步，市場自然會話畀你知下一步點行。
💡商業世界只尊重兩種人：
做到嘅人，同埋正喺度做緊嘅人。你想做邊種？
Best regards,
Ming仔
Responses