晚上 9 點，我企喺 studio 睇住隊友仲係燈火通明咁做緊嘢，心裡好複雜。
我想同大家一齊做嘅，係放工去跑個 10k，或者星期五 16:30 齊齊去 Happy Hour，但點解大家會連續 OT 幾日？我想知個究竟。
於是，我提議隊友將當日要做嘅嘢全部 List 出嚟，再每項寫低預計時長。真想顯然易見：即使每個 Task 都完全準時，加埋都要做到夜晚 11 點！
莫非係 workload 過重？於是我減，再減……又試過拉長、再拉長，但點解大家依然要做到咁夜？
好多人直觀上，認為 OT 即代表要增加人手或延後 deadline。雖然有時可能係真，但更多時候，其實係大家未知，自己仲有幾多潛力係未被解鎖。
對做 Creative 或者靠手藝食飯嘅隊友嚟講，大家都超級專注喺 Craftsmenship，享受進入忘我境界，繼而忽略 project management。
其實，當你淨係識得埋頭苦幹，你只係一個「執行者」；直到你學識點樣拆解時間、排優先次序，你先至係自己工作嘅「主人」。
所以我決定正式喺公司啟動【4-Week Project Management Challenge】！
（畀大家 sneak peek 一下👀）
如果你可以解鎖到項目管理 Project Management（PM）呢個技能，你其實係自製緊充裕嘅時間，去磨練你嘅 craftsmanship，咁樣先至係龜兔賽跑入面嘅烏龜，最終嘅贏家。
🛠今次同大家分享嘅 actionables，都係我同不正常研究所團隊自己嘅計畫：
- 每日 Plan：朝早列出當日 Output、Task list 同預計 Duration（記得 Be realistic，一定要預留 Break 俾自己休息）。
- 每日 Review：誠實面對數字，匯報前一日嘅 OT 鐘數，搵出邊個 task 出事，一般離不開係計漏 task 或者預錯時長。
- 每日 Check-in：用 10 至 30 分鐘，一齊對 Plan，今次時間預少咗，下次就調整返，預多咗，就縮短返，或者喺呢項 task 上針對性提升效率。一齊校正時間預算！
🔗 你會唔會都想加入不正常研究所一齊玩一齊進步？我哋招募緊新隊友：[Sales Lead, Video Editor, Script Writer, Animator] 即刻點擊
LINK 填表，或者 forward 畀你認為有潛質嘅朋友啦！🔥
想要時間自由？想放工去跑 10k？想約朋友 Happy Hour？
📜你得先靠實力，用 PM 技能同自律，將時間嘅主導權贏返嚟。
對 Creative 人嚟講，Project Management 係一個極罕有嘅技能。但只要你 Master 到佢，你就可以為自己賺返時間，到時你想提早休息，又或者想雕花，完全喺你掌控之內。
如果你都面對緊OT嘅問題，如果你都有好多嘢想做，好多目標想達到，有待完成嘅野心，一齊試吓以上嘅方法！
我嘅目標，係星期五 1630 之後可以同條team一齊happy hour！祝我哋好運！
Best regards,
Ming 仔
Responses