"It doesn't make sense to hire smart people and tell them what to do; we hire smart people so they can tell us what to do."
— Steve Jobs 喬布斯 蘋果創辦人
做 Leader 最過癮、但亦最難嘅地方，就係手頭上嘅隊友個個都好有性格、好有才華。
手頭上嘅隊友各有特色同諗法，係一件神奇且幸運嘅事。
如果你帶緊一班好有 talent 嘅隊友，你一定遇到過呢個矛盾。想佢哋放手發揮，又驚佢哋走偏。想佢哋跟緊隊形，又驚變成微觀管理（Micromanagement），消磨佢哋嘅熱情。
但如果方向一散，個人特色就會變成溝通成本。
究竟點樣可以做到，保留個人色彩之餘，同時保持隊形一齊行軍打仗？
以下三點幫我建立不正常研究所，等我分享你知🧠
-
講故事，建立方向共識🦾
大部份 Boss 習慣發號施令，但真正高效嘅 Leader，隊形係靠故事對齊嘅。當隊友明白大方向背後嘅 Why，佢哋自然就會主動喺個人崗位上，用自己最擅長嘅方式去推進。
-
定期一對一傾下偈，搵出隊友嘅使用說明書💐
我習慣定期同隊友一對一 Coffee Chat。唔係聽報告，而係去了解佢哋嘅性格、專長、動力、甚至係職涯目標。當你清楚每一個嘅亮點，你就知點樣放佢喺啱嘅位置，點樣溝通最為有效。
-
允許流程創新，把特色變成戰力📈
好似我哋新剪接師 Dennis，嚟入職兩個月就發現流程上有升級空間，自發寫咗個 Adobe Plug-in，幫全隊製作提升效率！如果當初我要求佢100%跟足舊有 SOP，呢種由下而上嘅爆發力就冇可能出現。
🔗 你會唔會都想加入不正常研究所一齊玩一齊發揮？我哋招募緊新隊友：[Sales Lead, Video Editor, Script Writer, Animator] 即刻點擊
LINK 填表，或者 forward 畀你認為有潛質嘅朋友啦！🔥
📜隊形，唔係靠扣押個人特色換嚟，而係靠領袖搭好舞台，讓大家喺框架入面自由表演。
🔨即刻試試佢：
今個星期，約位你覺得最難溝通、或者最有特色嘅隊友去飲杯咖啡。唔好傾工作 KPI，純粹問佢一句：「你覺得現時工作流程邊度最阻住你發揮？」你可能會聽到意想不到嘅答案。
Best regards,
Ming 仔
Responses