MT 嘅第一日，老闆問你：
「你未來 5 年嘅 Career 規劃係乜？」
你會點答？
一般人可能會好謙虛咁講「想多啲學習」。但 Klook 嘅 GM Kenny Sham 喺《想創你個心》Podcast 裏面分享，佢當年直接同 Marketing Director 講：「我想做到你呢個位置！」
你以為老闆會覺得佢狂妄？錯，老闆反而覺得呢個年輕人有 Ownership，有責任感，有大局觀。
Kenny 媽媽從小教佢「唔好怕蝕底」。
當所有人都在劃清界線、計較放工時間嘅時候，你主動做大過現有 Scope 嘅嘢，其實係「借公司的平台同資本，去槓桿自己嘅個人價值」。
❌ 按章工作
「做多啲啦，學到嘢係你嘅」好多人一聽到都會翻白眼，覺得呢句係無良老闆畫大餅同卸膊嘅藉口。
但當代職場，只係「按章工作」嘅人喺管理層眼中，係一個隨時可以被取代嘅成本。
喺香港打工，90% 嘅人第一時間會用「時間換薪水」嘅心態去計數：合約冇寫、老闆冇加薪，做多咗就係「蝕底」。
界線劃得極清，但過咗幾年，薪水同能力同時卡死喺樽頸位。
🧠 用公司資本，練自己武功
做大過工作範疇，本質上係「用公司資本，練自己武功」。
- 短期（Cost Center）：你用多咗時間做現有 Job Description （JD）以外嘅事，看似被公司佔便宜。
- 長期（Asset Builder）：你免費借用公司嘅平台同資源，低風險哋練習以後有需要嘅大局觀同專業知識。
當你喺現有崗位已經 tick 曬上層 10 個技能 Box，你喺市場上嘅價值就會上升。老闆唔願意畀 Power 同 Package 你？獵頭公司都自然會搶住補返畀你！
🛠 實用實戰步驟
-
第一步：鎖定上層 Skill Box
每季鎖自己在房間 1 小時，對比高你一級嘅職位需求，列出你尚未掌握但希望獲得的技能、崗位和待遇。
-
第二步：主動跨界補位
觀察團隊目前流程上嘅漏洞，搵出團隊最唔想做、但對生意最關鍵嘅雜務或結構性障礙。主動舉手接下，落手解決問題，用實戰取代理論學習。
-
第三步：用數據證明個人價值
唔好只記錄過程，要記低成果，證明自己嘅主動同能力。將任務連結到你個人嘅職涯願景，由「被控制嘅工具人」轉化為「有主導權嘅主角」。
Klook GM Kenny 詳細拆解咗佢由 Field Sales 一路攻上 GM 嘅思維地圖。強烈建議想升職嘅你睇睇佢！👉 #想創你個心 Ep9《想創你個心》：升職有方程式？識人好過識字？AI 年代如何提升競爭力？職涯成功靠運氣？打工皇帝 Klook 總經理獨家傳授 2026年職場秘笈【Kenny Sham x Ming仔】
喺現有 Scope 裡面做滿分，你只係一個合格嘅執行者。但當你主動孭更多責任上身，你就擁有咗「定義權」同不可替代嘅影響力。當你承擔咗兩三個角色嘅責任，老闆最怕嘅就係你離開。呢個時候你根本唔需要去「求」加薪，談判籌碼自然喺你手。
📜 最進攻嘅防守，就係喺現有職位上做大自己嘅權責範疇。當你影響力夠大，規矩就會為你改寫。
Best regards,
Ming 仔
Responses