點樣可以唔推唔扶，公司嘅人都自己識行？

❌ 問題：好多老闆都活喺一個無間斷培養再送走的循環入面

• 留人難： 好不容易教精一個同事，轉頭佢就跳槽去對手度，甚至帶埋你啲客走，反過嚟搶你生意。
• 管理攰： 你越努力想「管」，團隊就越反感；你越想「賺盡」，利潤反而因為行政內耗、開會、管理成本增加而縮水。

老闆變咗做下屬？最後，你發現成間公司最搏命、最遲收工、最焦慮嗰個人，竟然係你自己。

點樣可以唔推唔扶，公司嘅人都自己識行？

今集《想創你個心》嘅嘉賓 KK 曾錦強（LINK 撳呢到，save 低慢慢睇！）創辦 The Bees Marketing Group。喺廣告界，一個 turnover rate 咁高嘅行業，佢係一間奇葩。旗下而家有 38 間子公司，但離職跳槽率一直維持極低水平。

KK 嘅秘訣係：認可隊友付出並共享成果

其中一個方法，係 3-3-3 公式💡

| 3-3-3 公式拆解：重組利潤分配

• 1/3 分畀團隊： 等佢哋唔係為你打工，係為自己打工 。
• 1/3 分畀股東： 確保資本有合理回報 。
• 1/3 留畀公司： 作為未來擴張同營運基金 。

🧠 點解呢套嘢 Work？

當隊友覺得自己只係一粒隨時可以被取代嘅螺絲，佢哋嘅動機就只會係「準時收工」同「攞足人工」。

與其用制度去壓抑人性，不如用利益去導向人性。當隊友成為持分者，佢哋嘅主動性會遠超你想像。

🛠 行動指南：「僱傭」變「隊友」

當佢喺你個生態系統入面賺到嘅錢，多過佢自己出去闖；當佢喺你個生態系統入面發揮到嘅能力，高過出去令覓伯樂；當佢同意你嘅 story、你嘅使命、你所追求嘅未來，佢就會變成你最強嘅門徒，陪你上刀山，入火海，一齊食大茶飯！

創業 14 年，KK 證明咗：

對隊友好，唔係無底嘅成本，而係一項高回報嘅投資 。📜

加油，祝你都搵到一班同你一齊奮鬥嘅好隊友。

Best regards,

Ming 仔

PS，有時同啲叻人傾偈，真係會學到好多嘢。佢可以幫你避開人哋行過嘅冤枉路，大大降低你試錯嘅成本。