好多人以為創業最正嘅地方係「做老闆發號施令」。但實情係大部分創業者一開始，都只係做緊一個高級啲嘅「阿四」。
啱啱呢集《想創你個心【link 呢度！】》，Coffee 同我分享佢剛創業時，成個倉擺喺屋企，對單、行政、CS 覆客全部自己一腳踢。
❌ 問題：當你全副精力擺晒落瑣碎事度，你根本冇時間諗真正核心嘅大方向。
呢個狀況根本不可能持續，身兼頻道經營、媽媽角色、初創老闆，好快身體心理都爆偈響警號，遑論去 scale up 諗未來。
直到時間真係唔夠用、迫住要放權，佢先驚醒：原來自己唔係無所不能，公司亦唔需要一個全能嘅老闆。
📜 全能嘅老闆只係一個高級啲嘅「阿四」
佢經歷過好大嘅內心掙扎，好驚交接出錯，好多細節難搞，隊友開始時亦必然做得無你咁好。但係「當你放手畀佢哋試，你會發現每個人都有自己專長，佢哋甚至可能有時間去完善做得畀你更加好。」
🛠 行動指南：搵出你嘅「時間黑洞」
- 搵一頁記低你呢個星期做過嘅 tasks，同所需要嘅時間。
- 坐低整理邊啲價值最高？邊啲最困身？邊啲最用你時間？
- 進行「先苦後甜」嘅交接： 揀一件你以為「得我自己先做到」嘅工作項目，寫好指引同流程，然後放手交畀隊友嘗試，容許佢哋喺犯錯中成長。
做老闆唔係要證明自己最叻，而係要建立一個就算冇你，依然運作流暢嘅大人團隊。
呢個亦都係我努力緊嘅方向。所以我需要一個大人團隊。👉 [Link]
🧠記住，老闆、高層嘅價值，唔係你幫公司做咗幾多基層工作，而係你管理咗幾多「不確定性」。
下個禮拜見！
Best regards,
Ming 仔
Responses