做項目最痛苦嘅，莫過於你投入咗全部熱情，但點知，推出市場卻發現反應平平。
內心即刻開始自我懷疑「係咪要向現實妥協？」
我明白有幾氣餒，但想提提你：
真正能維持一件事走得遠嘅，從來都係諗返件事背後嘅「意義」。
大部份人以為做商業代表要滿足所有人，但盲目迎合大眾，只會令你失去獨特性。
金成同東方昇喺我哋最新一集 Podcast 裡面提到：做商業固然要面對現實、考慮市場，但如果從一開始就只著眼於商業計算、盲目追逐數據，件事反而更難成功，亦更難持續。
原因好簡單，文化同作品嘅靈魂，根本無法用 KPI 量度。一旦你用錯誤嘅標準去衡量，達唔到預設嘅指標，整個 project 就會因為錯誤嘅原因而瓦解。
🛠️ 實戰心法：由「討好所有人」轉向「搵到自己人」
與其花精力去安撫嗰啲本來就唔屬於你嘅大眾，不如專注建立你嘅真正受眾。當你敢於拒絕雜音，專注做好自己，識得欣賞你嘅自然就會慢慢出現。
多謝睇緊呢封newsletter嘅你，無你，我哋唔會可以同100萬訂閱越行越近。
📢 新一集不正常人類靠住《懂事會》已正式定稿，聽晚出街🤫
今次唔係我哋匿埋一邊自己諗，而係上星期喺會員專屬直播《懂事會》入面，同咁多位會員一問一答、互相 Bulletproof 度出嚟🔥
《不正常總部ABHQ》嘅會籍唔係為咗大眾娛樂而設，而係想招攬希望一齊影響世界嘅不正常人類。喺裡面，你做嘅決定、思辯、討論，會決定近百萬名觀眾每個月接收到嘅內容資訊。
如果你都睇唔過眼呢個時代嘅立場先行、二元對立，想一齊激進地客觀的話
💬 思考題：
你覺得喺目前嘅香港市場，做項目最大的「雜音」通常嚟自邊度？你又有冇試過靠住「意義」而撐過低潮？回覆呢封 Email 分享你嘅故事畀我聽啦！
Best regards,
Ming 仔
PS, 尋晚同個 team 一齊起咗條南韓選舉爭議嘅即時片出嚟，快啲去睇啦！
Responses