我好鍾意嘅一句說話。
最近同幾位創業嘅朋友傾偈，大家都有一種無力感：明明見到隊友做嘢有盲點，但又驚講得太直接會傷害到佢，結果兜個大圈去講出口，轉頭見到對方又係原地踏步。。。
❌ 問題：盲目保護——只會令玻璃心更玻璃
如果你團隊入面，大家只能夠講門面說話，或者表面點頭、內裏保持距離 ，咁你嘅「讚美」其實一毫子都不值。因為大家都知，嗰啲只係無成本無效益嘅商業吹捧。
唔少人誤解咗「Servant Leadership 僕人領導」，以為服務隊友就係要百般呵護、唔話得 。結果？你創造了一個「安全但平庸」嘅環境。隊友無意識到自己需要被 Coach，因為佢哋根本聽唔到真話，見唔到自己嘅短處。
當一個團隊缺乏 Coachability，本質上，就係拒絕成長。
🧠 解決：要提升隊友嘅 Coachability，
關鍵唔係你進攻嘅力度，而係你所建立安全網嘅厚度 。
- 老闆下令式（破壞信任）： 「點解呢單嘢搞成咁？你咁樣做完全唔達標，即刻改返好佢！」
- 領導帶領式（建立 Coachability）： 「我見到進度卡住咗 。我想同你一齊檢討個流程，因為我相信你嘅潛力唔止咁樣 。我依家指出呢個位，係想保護你下次唔使半夜拆彈 。你需要我點幫手？」
🛠 行動指南：領袖的 Coaching 清單（今日即用～）
- 想隊友主動申請 coaching？試吓建立呢三個團隊習慣：
-
- 容許批評嘅自由： 在檢討會上，率先邀請隊友批評你嘅決策：「今次 Project 邊個位我行錯咗？大家放膽講，我需要你哋嘅真話。」
- 給予定義權： 分配任務時，唔好淨係俾 SOP 。問佢哋：「你想透過呢個項目學到咩？你打算點開展？」等佢哋成為故事嘅主角 。
- 提供安全練習： 唔好等出大事先大省鑊金 。平時提供練習嘅安全環境 ，俾隊友知「執試錯」係進步嘅一部分 。
\\研究員視覺：
📜一句總結：真正有效嘅領導力，唔係發號施令 ，而係…
創造一個「大家敢講真話、敢認不足、咁敢改錯進步」嘅文化環境 。
今日返去問下你嘅核心隊友：「上星期有邊件事，你覺得我做得唔夠好，但無同我講？」
期待你同隊友一齊有嗰句講嗰句，包括批評同贊美，再一齊進化，一齊追求卓越！下星期見 。
Best regards,
Ming 仔
／／偷偷地話畀你聽，《不正常股東大會》如箭在弦快舉行了。
我哋會首次公開幕後運作、公司Mission、未來方針。等你知道幕後資訊，一齊參與頻道成長。你就係我哋嘅投資人，有能力直接影響一個百萬訂閱 channel 走向嘅股東。
今次 meeting，只限今輪 6 月 14 號前加入 YouTube 會員嘅先可以參加。而收到今封 email 嘅你有眼光😆，我哋開咗個 Email 獨家 waitlist，6月3號正式開放時，你就會係首批獲得通知嘅始創一份子。
以後你就唔再只係坐喺螢幕前吸收資訊——出咩題目、咩角度，你都會有份舉手表決。股東大會見🔥。／／
Responses