想像一下，你第一日加入一間 Global 公司做 GM，點知剛好撞正第五波疫情，整個生意接近零！每日幾百萬美金嘅流水無端端歸零，全公司人心惶惶。。。
當公司生意隨大環境停滯甚至下滑，想讓自己的身價被看見，究竟有咩可以做？
Klook GM (HK & Macau) Kenny，喺《想創你個心》分享咗佢嘅真實故事。
當時佢冇選擇向老闆發洩，反而將呢段 Downturn 當作契機，趁平簽晒所有商家嘅 Deal。結果一開關，業績爆發式增長，一舉追返過去兩年嘅 Suffer！
❌ 「回報喺邊？」
好多人返工，心裏只有一種情緒：「我做得咁辛苦，回報喺邊？」隨之而來嘅係無效埋怨，甚至將負面情緒轉嫁畀其他隊友同管理層。你以為自己喺度爭取權益，其實你只係喺度加速自己被邊緣化。
如果你喺生意落難時搵老闆談條件，喺管理層眼裏，你唔係一個有價值嘅人才，而純粹係一個要處理嘅 Trouble Maker。
同 Kenny Sham 傾偈佢提咗我：
🧠 公司業績下滑先係最好的試金石
生意好嘅時候，隻豬都會飛，根本分唔出邊個有真本事。
公司營運低迷時候，恰恰先係你建立影響力同信任感嘅黃金期。
你幫公司止蝕，甚至扭轉局勢嘅過程雖然極度辛苦，但你喺呢個階段承擔嘅責任，最後換嚟嘅係老闆重用、信任基石、CV 事蹟，都會喺未來以倍數級回報返畀你。
全集現已上架！2026職場必聽攻略 👉 【Kenny Sham Klook GM x Ming仔】#想創你個心 Ep9
🛠 突破現狀嘅實戰指南：
- 審時度勢，主動止蝕：唔好只係反映「呢度好慘、嗰度好爛」。審時度勢，帶住具體嘅減本增效計劃去見老闆：「我打算咁樣幫公司止蝕」。展現你嘅主動負責與分擔。止蝕反敗為勝有你份，以後要同老闆爭取嘅時候就有底氣有籌碼。
- 消化情緒，帶領隊友：作為有潛力嘅 Leader，你要做嘅係將公司現狀轉化為一個明確嘅「挑戰目標」，引導隊友一齊拆彈，而不是將負面情緒、公司怨氣直接轉嫁畀老闆。保護隊友嘅士氣，同時為老闆提供安全網。
📜 職場上身價顯現，從來唔係喺順風時搶功勞，而係喺逆風時幫公司扛住壓力，扭轉乾坤。
真正有本事嘅人，從來唔需要「求」加薪。你幫公司過咗呢關，你嘅談判籌碼根本唔需要你自己講出口。
Best regards,
Ming 仔
PS，請過咁多個創業家，今次破天荒，請一個打工仔，但佢打工打到好似創業咁，希望大家睇完學到嘢😎
Responses