溝通真相：「慢慢講，先係最快。」

「點解講極你都唔明？🫨😑🤯」

以前我覺得，講嘢要有推進感、夠 Logic，語速快到無人 break 到，先叫溝通大師。我以為咁樣好高效率，點知問多幾句，竟然無人聽得明？

結果係發現對方一臉懵，最後要重複講好多次，甚至成件事傳達唔到…呢個畫面係咪好熟口面？你身邊係咪總有一個咁樣嘅人（定係你自己）？

⚠️ 問題：點解講極都唔明？

• 認知斷層：當你已經去到第 5 步，對方可能仲停留喺第 1 步，努力消化緊你講嘅內容。
• 唔啱 Channel：你完全無考慮過對方嘅背景。拎住堆專業術語同外行人講，你 Logic 再勁，對方都只會覺得你喺度講外星語。
• 責任何在：你或者覺得「聽明我講嘢」係對方嘅義務，但現實係——如果對方聽唔到，最終達成唔到目標，最「傷」嗰個係你。

🤿 你贏咗辯論，但輸咗結果。

💬 實戰劇場：「慢慢嚟，就係最快」嘅對話範例

當你發現對方跟唔上你嘅步速，可以參考以下對話，幫你創造對方可以輕易吸收資訊嘅處境：

場景 A：向隊友交待複雜任務 (避免對面「一臉懵」)

• ❌ 錯誤示範（只顧推進）： 「呢個 Project 要先做 A 之後接 B 順便搞埋 C，你要留意返 D 嘅 logic，明唔明？好，開工！」
• 結果：對方雖然點頭好似明，但根本消化唔切，轉頭就做錯。
• ✅ 溝通高手（慢慢嚟最快）： 「我先講第一步嘅 Logic。 (停 3 秒觀察對方反應) 你先消化一下，睇吓同你之前做開嗰套有無出入？ (確認對方明咗) 好，我哋再講下一步。」
• 如果對方好似想敷衍你，就加多句：「不如你試吓用你嘅理解講一次畀我聽？」

場景 B：同老闆/客匯報進度 (避免對方跟唔上步速)

• ❌ 錯誤示範（只顧推進）： 「我哋過去三個月做咗 1, 2, 3... 嚟緊會做 4, 5, 6... 整體 ROI 係咁咁咁。」
• 結果：老闆每日要處理嘅嘢太多，未必即刻記得你啲細節。你唔停，當你講到第 5 步，佢仲 Load 緊第 1 步，最後佢只會覺得成件事好亂。
• ✅ 溝通高手（慢慢嚟最快）： 「我想 recap 過去三個月提過嘅一個重要數據，之前我哋講到… (停一停，等對方 internalize 沉澱消化當中內容) 呢個數據會直接影響我哋嚟緊 2026 年嘅三個方向。以上係背景，呢個會講會討論下半部分。需要我填補更多額外背景嗎？」

你一味追求講得快、講得邏輯完美，但對方根本消化唔切的話，最終只會令件事卡住。欲速則不達。相反，慢慢清楚地講，先係最快最易明白。記住，你嘅目的唔係『用最快速度講完』，而係令對方能夠完整『吸收』！

🚀 立即行動

今日試吓觀察你嘅溝通對象：當你觀察到對方眼神開始迷惘，請你主動「放慢」。然後問一句：「頭先嗰部分有冇邊度唔明？想唔想我用另一個例子試吓再解釋？」

溝通唔係比拼你講得幾快，而係比拼對方吸收到幾多。我哋一齊試吓從對方視覺出發，慢慢講，快快明。加油！

Best regards,

Ming 仔

PS: 我以前就係衰喺呢一點，交過唔少「學費」，真心唔希望大家都要行我行過嘅冤枉路🦵🏻。