你有沒有試過：目標講到明，SOP 寫到足，甚至連步驟 123 都餵到口邊？但下星期返嚟，同樣嘅錯依然發生。
你以為係佢「理解力」有問題，但其實係你份指令，正在喺度剝奪緊佢嘅他的大腦功能。因為指令只會增加對方壓力，唯有「故事」先可以帶出主導權（with Agency & Ownership）。
⚠️難度
下達指令好簡單，但要隊友「聽入心」並行動先係真正課題。好多領袖以為講得夠清、指標夠硬，下面嘅人就會自動波改好佢。
💡 現實係：指令只能換取短暫的服從，好少會令一個人真正改變。
當你想隊友修正一個錯誤，你有兩個選擇 ：
- 做法 A (單純指令)： 「整返好佢，追返個 KPI。呢啲嘢我閉埋眼都識做，下星期唔好再錯。」
- 做法 B (帶入故事)： 「我記得以前我都喺呢個位卡住咗，當時我用咗幾日先理順。好彩我哋夠早發現你呢個問題，我好有信心你可以搞掂。留返多啲時間去處理，我哋仲可以追到個 KPI。」
做法 A 帶嚟嘅係服從，做法 B 帶嚟嘅係代理權。你會揀邊個？
🎨方法
下一次想隊友改嘢或執行新 Task 時，試吓呢個「領導力三部曲」練習：
- 橋接經驗： 分享你曾經嘅失敗。講「我以前第一次處理呢個 Part 都試過卡住」，降低對方嘅防衛心理，將「對立關係」轉化為「夥伴關係」。
- 重新定義現狀 ： 將「出錯」定義為「及早發現」。講「好彩我哋夠早發現，仲有時間調整」，有助消除恐懼，將負能量轉化為進步動力。
- 對齊最終願景： 幫隊友喺大局入面定位。講「只要處理好呢個核心點，我哋全隊就能順利達成目標」，令佢明白行動嘅戰略意義 。
🔥試試佢，歡迎回覆呢封 Email 話我知 work 唔 work！
Leadership 唔係畀冰冷嘅「說明書」落 order，而係畀隊友一個可以行入去嘅「故事」，令隊友白點解要做，自覺地搵到位置，並選擇為自己嘅決定負責。
唔夠喉？如果你想學識點樣活用故事去叫返醒團隊，歡迎參加我 workshop 同你深入拆解！👉 workshop link 按呢度！ 🧠
🤔 思考題
回想一下你最近一次叫隊友改嘢。你當時係畀緊一份「說明書」，定係講緊一個令佢可以定位自己，搵到自己角色同下一步行動嘅「故事」？
📜 一句總結：Manager 贏在指令清晰，Leader 贏在畀隊友一個可以行入去嘅故事 。
Best regards,
Ming 仔
PS，Apple Podcast 同 Spotify 都搵到我地了！！想隨時隨地聽「想創你個心」足本版，就記得過去搵我哋聽真啲學多啲佢喇～😎）
Responses