❌ 平時開會，你係咪都遇過呢個畫面？
- 你用捱更抵夜嘅 PowerPoint（PPT） 做 Presentation，點知台下嘅人一係發緊夢、一係玩緊手機。
- 你專心聽佢講，但只要一問 PPT 深入少少，報告者就會口窒窒：「等我返去查下數據再覆你」。
原來太多精美嘅圖表，往往係一個華麗嘅泡沫，只係用嚟包裝一啲經不起推敲嘅假設。
最近睇完《The Nvidia Way》呢本書，我發現原來 Nvidia 創辦人黃仁勳 Jensen Huang 都極度討厭靚 PPT。去到佢呢個級數嘅 CEO，開會最鍾意做嘅，居然係行去白板前面，執起支筆直接畫。（同我一樣😎）
🧠 點解白板好啲？
靚 PPT ：「單向灌輸」係致命傷
當你用精美嘅 Slide 做 Presentation，你其實係單向灌輸通知隊友。
隊友喺台下，角色就像一個旁觀者，一邊聽，一邊覺得「這只是老闆嘅藍圖，與我無關」。
當人感覺自己只是被通知、甚至只是被控制去執行某張 Slide 嘅指令，佢哋嘅內在動力就會瞬間歸零。
白板：暴露過程更有效
PPT 係「已經過濾過嘅結果」，而白板係「裸露嘅思考過程」。當你放低張 PPT，喺白板面前由零開始畫出你嘅商業邏輯，無得避亦無得呃人。
一塊白板，所寫並不完美，卻能直接邀請隊友：「呢個位我哋未行通，你覺得點搞好？」隊友會自覺地代入呢個故事入面，上台同你一齊搵出個樽頸位。
一塊白板，可以幫你同你嘅隊友一眼睇清：樽頸位到底喺邊度，邊度一齊合作更加好。
🛠 三個「白板思維」行動指南：
- 改為「畫出邏輯鏈」
不要再展示 20 頁報告。行上白板，畫出你個 Project 嘅 3 個核心變量Variables。例如：流量、轉化率、客單價。直接指出邊一個位最需要救。 - Floor vs. Ceiling 畫線法
喺白板畫一條底線（Floor：做最壞打算，維持現狀會點）同一條頂線（Ceiling：極限產出係幾多）。問隊友：我哋現在卡喺中間邊個位？要搬走啲咩舊石頭先可以將 Floor 提高？ - 即時 co-create 一齊諗
唔好再叫隊友「返去改完再報告」。直接喺白板上，當場一齊將唔通嘅地方擦走、重寫。呢個先係真正有效嘅團隊合作。
🔗 Btw 我哋招募緊新隊友一齊喺白板前面開會思考：sales lead, operations manager, video editor, script writer, animator。即刻點擊
LINK 填表，或者 forward 畀你認為有潛質嘅朋友啦！🔥
📜PPT 係一個「結論」，而白板係一個「邀請」。
再漂亮的 PPT 也只能幫你匯報過去；唯有一塊能即時塗改嘅白板，才能讓你邀請隊友一齊思考，看清未來。
Best regards,
Ming 仔
PS 帶住大家「一齊喺白板建立畫面」，>>>遠比你直接show「做好晒嘅畫面」更有說服力。快啲攞返塊埋沒咗嘅白板出嚟用啦，效果包你驚喜！🤪
Responses