⚠️ 問題
一月過咗三個禮拜，有冇自律地 tick 到想做嘅？
萬一你覺得自己開始「打回原形」…… 請先停一停，唔好急住自責。我之所以咁講，係因為我以前仲頹過你。
嗰日撰稿員 Andrew 問我：「大哥，你覺唔覺自己係個自律嘅人？」
我諗咗好耐。好多人覺得我好自律，喺公司，我時間管理滴水不漏；但我細個，其實係一個「無厘搭霎」嘅代表，出門前 10 分鐘一定係搵緊鎖匙、所有 Deadline 唔到火燒後欄都唔會郁，我甚至試過臨飛先發現唔見咗本護照。點解我而家可以咁規律 ，一日做到咁多件事？
好多人以為自律係天生，或者係靠硬啃意志力，但冇人天生鍾意準時、鍾意 Chur、鍾意規律。「自律」其實只係你對在乎嘅嘢，收起咗最懶散嗰一面 。
🔬而我自律嘅原因係——因為我真係好在乎呢個團隊。好想一齊贏。
我發現「自律」同「堅持」，根本唔係咩高尚品德，佢只係係達成目標嘅「入場券」。但你要認清一件事：你嘅意志力係有限嘅。你唔係超人，你唔可能對每件事都咁自律。你一定要學識「慳住使」。
🧠 2026 執行功能：能量分配表
你要明白，自律唔係咩美德，而係一種資源管理。請根據以上四個程度，重新分配你嘅意志力。
🛠️ 2026 三步執行指南：用「在乎」驅動自律 🛠️
Step 1: 定義你嘅「在乎」
- 點做： 寫低 2026 年邊件事你「一定要贏」。
- 點解： 你唔夠自律，純粹係因為你對個目標「可有可無」。當你搞清楚「我想成為邊種人、我想攞到咩獎品、邊樣嘢我絕對唔想輸」，自律就會變成直覺。
Step 2: 減少「決策消耗」
- 點做： 將生活雜事固定化（例如：每日著乜、食乜、幾點開工）。
- 點解： 你嘅精神係有限資源，每一刻做決定都係用緊力。減少小決定，係為咗留返能量比大決定。
Step 3: 合法地「做廢柴」
- 點做： 揀 1-2 樣完全唔影響大局嘅事（例如：對鞋亂放、執屋），容許自己有啲位唔自律。
- 點解： 冇人可以 Chur 足 24/7。策略性地喺小事上面「廢」，你先有火喺戰場上變返「戰神」。
📜一句講晒！
自律唔係要你喺每一件事都完美，而係要有策略地喺「核心戰場」搏到盡，把心力留畀你最在乎嘅故事。
🚀 立即行動
喺你 2026 嘅目標清單入面，搵出嗰件「值得你克服懶散」嘅事。回覆呢封 Email，同我分享邊一件事最值得你喺今年為之努力！
2026 唔需要一個完美嘅你，只需要一個「懂得取捨」嘅你。加油。
Best regards,
Ming 仔
PS，點樣先叫真正嘅『取捨』？睇呢集農夫 Podcast 就明。喺佢哋身上你會發現，真正贏到最後嘅人，由開公司嗰秒開始，就已經狠心決定咗要放棄啲乜。唔好盲衝，學識取捨先：
【農夫】由 Rapper 變身老闆嘅生存之道 | 點解「預蝕」反而係最安全嘅目標？| 拆解「農作天下」營運耕種模式 | 陸永：「我請人最鍾意啲尤其冇創意添」🔥 #想創你個心
Responses