最近忙嗎？有冇越做越攰嘅感覺？有錢就賺，有單就接。
❌ 問題：忙到隻積咁，但戶口嘅數目好似無咩點變。。。
你有冇諗過：賺唔到大錢，正正係因為咩錢都想賺？
原來做老闆每日最高難度嘅工作，唔係諗點樣「賺錢」。
而係決定邊啲錢「唔應該賺」。
聽落好違反常理？最新一集 #想創你個心（👈🏻Link 呢度，save 低佢今晚睇😎），我哋邀請到 Coffee 林芊妤
佢由零開始做起，發展到擁有 180 萬 Subscriber 的 YouTube 頻道，
更創立咗投資額達八位數嘅服裝品牌 CoffeeSweat。
🧠 Coffee 提醒我：敢拒絕眼前嘅誘惑，先可以賺到長遠嘅信任。
- 全關運動片中間廣告：
- 犧牲大筆被動收入，純粹因為唔想觀眾爆緊汗時，突然被廣告打斷體驗。
- 推掉天價減肥藥代言：
- 錢送上門都唔要。因為「做生意賣緊嘅，唔係產品，係信任。」
當全世界都想將流量榨乾變現到極致嘅時候，
佢反而揀咗「保護用戶體驗」。
結果？
觀眾對佢產生咗極高嘅誠信認同。
當佢一推出自己嘅運動服，
大家唔需要被硬銷，自然會因為信任而瘋狂埋單。
好多創業者一開局就急住搵快錢。
不知不覺，將自己最珍貴嘅誠信變成碎片咁出賣。
真正想做長線嘅品牌，
一定要學會「篩選金錢」。
🛠 3 分鐘實戰指南：
第一步：列出你品牌嘅 "Not-To-Do” List
攞張紙，寫低一到兩樣「雖然現在執到錢，但長遠會損害客戶信任」嘅事。
例如：唔接劣質廣告、唔可以為量犧牲起貨質素、唔用誇大嘅 hard-sell 文案。
寫得出，以後見到呢類錢，就要堅決拒絕。
第二步：搵出你品牌「死都要守住」嘅底線
公司只能留下一種精神，嗰樣係咩？
搵出你呢個核心（Coffee：觀眾的運動體驗、我哋：激進地客觀、其他：極致手工質素、新鮮食材）。
以後做任何商業決定，只要同呢個價值有衝突，大刀闊斧斬走佢。
有時，行慢一少步，反而係行得最遠嘅策略。
大雞唔食細米，我哋長線投資！
Best regards,
Ming 仔
Responses