仲有幾個鐘就到 2026 年。喺你回顧過去一年嘅時候，腦海入面有無出現過一個令你頭痛嘅隊友：
「點解呢個人懶到咁，因乜解究咁都唔識？」
或者你曾經咁諗過，確係會好谷氣。問題係：佢係懶，定係我哋唔識令佢哋郁？趁住今日 Reset 好機會，想同你一齊拆解呢個迷思。
⚠️ 痛點
好多領導者面對動力不足嘅隊友，習慣直接判定一個人係「懶」或者「廢」，死刑已判，蓋棺論定。但咁樣做，你其實係放棄咗自己作為領導者嘅職責。呢種標籤化對方嘅思維，只會令你明年繼續陷入「Micromanage」同「越推越攰」嘅惡性循環。
✅ 解決方案
回歸「故事領導力」嘅核心啦！ 你要明白，冇人會自願喺一個爛劇本入面做配角。你嘅工作，係要從「評審」轉身成為「導演」，喺 2026 年重新幫佢搵返佢喺團隊故事入面嘅意義。
📖 個案故事：質素平平與鬼斧神工嘅 prompt 分別係咩？
曾經有一位設計師，每日只係準時返放工，交貨質素平平，我以為請咗個「懶」人。點知後來發現，佢嘅 個人故事 Personal Story 係「我想成為一個被認同嘅創作者」，而當時嘅團隊故事 Team Story 只係「我哋要準時交稿畀客」。
兩者毫無重疊的 共同故事 Shared Story，呢種「故事錯位」令佢覺得工作毫無意義。當主管重新包裝任務：
「你係我哋最敢試新嘢嗰個（身份），
我想你帶頭做個視覺突破（方向），
因為我哋呢個 project 係要挑戰既定嘅行業審美（意義）。」
佢竟然喺一星期內自發交出咗三套驚人嘅方案。
原來佢唔係懶，佢只係需要一個值得佢燃燒嘅劇本。
🔬 點解會得？
唯有故事，可以推郁打動到人。每個人心入面，其實都有一個會令自己瘋狂行動嘅「內在劇本」 。當你成功將團隊目標轉化為對方人生中嘅重要里程碑，佢就會由「被動」變為「自發」。
🛠️ 點樣做到？用故事重啟團隊 2026 動力
聽日 1 月 1 日，試吓撇除所有舊有偏見，用呢三個層次重新「編導」你嘅團隊：
- 發掘佢嘅（個人故事 Personal Story）「內在劇本」： 佢在乎咩？佢想成為一個點樣嘅人？
- 尋找重疊點 (共同故事 Shared Story）「共同劇本」： 搵出一個目標，係既能達成公司業績，又能幫佢實現個人願景嘅。
- 運用「三句入魂故事公式」重新定義佢嘅角色：
- 身份 (Identity)： 「你係我哋 Team 入面最 [特質] 嗰個。」
- 方向 (Role)： 「嚟緊 2026 年，我想由你負責 [關鍵任務]。」
- 意義 (Meaning)： 「因為有你，我哋呢個 Team 嘅 [影響力] 會完全唔同晒。」
📜 一句總結
領導力唔係要改變一個人，而係透過管理故事嘅深度，令每個人喺新嘅一年都搵到值得為之瘋狂行動嘅意義。
🚀 立即試試佢：
喺今晚倒數之前，諗一個你想喺 2026 年為佢「重寫劇本」嘅隊友名單，並喺開工第一日，對其中一位講出佢嘅「三句入魂」故事。
👉 想掌握更多故事領導力嘅工具？立即撳呢到了解！
喺新一年嘅開始，搵返隊友眼入面嗰份「呢件事，關我事」嘅光芒啦！當佢覺得自己係故事嘅主角，佢就唔再需要你推。
祝你 2026 華麗逆轉，同團隊一齊寫下刺激亮麗新一章！
Best regards,
Ming 仔
PS: 估唔到，2025 完結前居然有幸請到項少龍上我哋 YouTube 頻道！未睇嘅快啲去睇喇～ 2026 再向前衝！
Responses